Sicilia, Kalabria dhe Roma

Për herë të parë në Kosovë, Veneta Travel për klientët e vet, ofron një ofertë shumë interesante dhe të shumëpritur, për të cilën më parë kanë pas rast të dijnë vetëm përmes poezive, këngës, televizionit apo ndonjë rrëfimi. Të vizitojmë vendin e arbëreshëve, vendin e Jeronim de Radës, Zef Serembës, Zef Skiroit etj. - ‘‘Të bukuren More’’.

7 ditë me autobus

Nisja: 20/02/2010  ;  Kthimi: 26/02/2010


Dita e Parë
Nisja nga Prishtina të shtunën në ora 10.00 nga parkingu pas Qendrës së Rinisë. Vazhdimi i rrugës në drejtim të kalimit kufitar Hani i Elezit, një ndalje në Strugë, (në restorantin ‘‘Acuarius’’) për pushim - mundet edhe të drekohet. Hyrja në territorin shqiptar në kalimin kufitar Qafëthanë dhe vazhdimi i udhëtimit për në Durrës, prej nga në ora 23.00, me traget vazhdojm për në Itali.

Dita e Dytë
Arritja në Bari rreth orës 08.00, pas kontrollës kufitare nisja drejt Kalabrisë, arritja në katundin arbëresh Lungro në orët e pasditës. Vendosja në hotel. Pasdite e lirë. Darka prej orës 19.00-21.00. Fjetja.

Dita e Tretë
Mëngjesi. Në ora 10.00 vizitë kishës në Lungro ku do të bëhet një pritje e organizuar nga paria kishtare. Në ora 12.00 nisja për në Kozenca (qendra kryesore e arbëreshëve). Me të arritur në Kozenca një xhiro panoramike qytetit. Vendosja në hotel. Pasdite e lirë. Në ora 17.00 takimi para hotelit dhe në mënyrë të organizuar një vizitë në Lidhjen e Arbëreshëve, ku nga kryetari i Lidhjes do të njihemi përgjithësisht me të kaluarën dhe të sotmen e arbëreshëve. Gjatë tërë kohës nga kontaktet me arbëreshët do të mund t’a ndëgjojm gjuhën e vjetër arbërishte të ruajtur që nga koha e Gjergj Kastriotit, me të cilën shpejt do të adaptoheni. Kthimi në hotel. Darka. Pas darke e lirë. Fjetja.

Dita e Katërt
Mëngjesi. Në ora 09.00, vizita të organizuara nëpër vendet me interes të arbëreshëve të shoqëruar me guidë lokale. Kthimi në hotel. Darka. Fjetja.

Dita e Pestë
Mëngjesi. Në ora 09.00, nisja për në Sicili, kalimi në Sicili me traget (udhëtim i shkurtër – rreth 15 minuta). Vendosja në hotel. Tërë ditën vizita të organizuara të vendeve me interes të arbreshëve në Sicili. Darka. Pasdarke e lirë. Fjetja.

Dita e Gjashtë
Mëngjesi. Nisja për në Kosovë në ora 09.00. Arritja në Bari rreth orës 13.00. Shëtitje e lirë në qytetin e Barit dhe një mundësi e mirë për shoping (është qytet relativisht i lirë – krahasuar me qytetet veriore të Italisë). Takimi te autobusi në ora 20.00 dhe nisja për në port, prej nga bëhet nisja me traget për në Durrës.

Dita e Shtatë
Arritja në Durrës rreth orës 07.00. Një orë pushim në Durrës. Rrugës përtej Elbasanit ndalje në një restorant për pushim – mund të drekohet (ka gatim tradiconal shqiptar). Rrugës ndalje tjera për pushim. Arritja në Prishtinë rreth orës 20.00.

ÇMIMI I ARANZHMANIT PËR PERSON : 395 Euro